یو این ایچ سی آر (UNHCR) کا زکات اقدام – اعتماد اور شفافیت کے ساتھ مدد

یو این ایچ سی آر گزشتہ 70 سالوں سے دنیا بھر میں مہاجرین کی مدد کر رہا ہے، چاہے ان کے حالات اور پس منظر کچھ بھی ہوں۔ اپنے زکات اقدام کے ذریعے، یو این ایچ سی آر پہلا بڑا ادارہ ہے جو ایک مؤثر، قابلِ اعتماد اور شفاف** ذریعہ فراہم کرتا ہے، تاکہ لوگ اپنی زکات کی ادائیگی آسانی سے کر سکیں۔

ایک منفرد نقدی امدادی پروگرام کے تحت، %100 زکات عطیات براہِ راست خطے کے سب سے زیادہ ضرورت مند افراد، یعنی :مہاجرین، تک پہنچتے ہیں۔ مزید یہ کہ، مہاجرین زکات کے مستحق ہیں کیونکہ وہ زکات کے آٹھ میں سے چار بنیادی معیار پر پورا اترتے ہیں۔

کچھ فلاحی تنظیموں اور عطیات کی تقسیم کے طریقوں پر شکوک و شبہات کے درمیان، یو این ایچ سی آر مکمل شفافیت اور اعتماد فراہم کرتا ہے۔ ہمارا زکات اقدام سخت نگرانی اور ضابطہ کار کے تحت کام کرتا ہے تاکہ ہر مرحلے میں شفافیت کو یقینی بنایا جا سکے۔ ہمارا بنیادی مشن اور طریقہ کار عالمی معیار کے مطابق ہے، اور زکات کی تقسیم مکمل طور پر شرعی اصولوں کے مطابق ہوتی ہے۔

یہ اقدام پانچ معروف علماء اور اسلامی اداروں کی فتووں سے منظور شدہ ہے۔ یو این ایچ سی آر نے آن لائن بینک ٹرانسفر اور ڈیجیٹل ادائیگیوں کے ذریعے زکات کی ادائیگی کوتیز، مؤثر، محفوظ اور باوقار بنا دیا ہے، تاکہ لوگ جدید طریقوں سے اپنی زکات کی ادائیگی کر سکیں اور ضرورت مند مہاجرین کی مدد ممکن ہو سکے۔